joOoD's profile εϊз جــ الوجـود ــود εϊ...PhotosBlogListsMore  |  Tools Help |
|
|
εϊз جــ الوجـود ــود εϊз!.. تضيق المساحات .. وتغفو الأمنيات .. وتبقى .. { القلوب .. لـ تتسع
July 27 كـ نقاء قلبك في زمن ٍ مظلمـ } ..
حين تضيق المساحات ..
وتدلهم الطرقات ..
وتهفو عليّ النائبات ..
وتزدحم في طريقي الكربات ..
تظلم دنياي ..
وتنطفئ دياجير الأمل في مسراي ..
أقف .. بـ كل ما أوتيت من ألم ٍ مكاني ..
لـ أتأمل كل ما خلّفه بواقعي زماني ..
وأبحث عمن يستطيع كبح جماح أحزاني ..
فـ لا أجد سواك ..
وكأن ربي زرعك في تربتي نبتة ً تثمر الآمل لروحي ..
وعشبة ً لها مفعول السحر على جروحي ..
أتحسسها بـ عيناي..
وأحتضنها بكلتا يداي ..
لا لـ شيء .. سوى أنها ..
.. { كـ نقاء قلبك في زمن ٍ مظلم ..!
؛، الـ س ـلامـ عليكمـ ورحمة الله وبركاتهـ ،؛
صباح اليوم .. أفقت مبتسمة ً على غير العادهـ .. فـ أنا من النوع الذي يستغرق ساعتين فـ أكثر لـ يكون مزاجي في وضع يسمح لي بالتبسم ومحادثة من حولي ..
أخذت أتقلب كـ عادتي في سريري .. نظرت إلى ساعتي فـ إذا بها تشير إلى الـ 6:30 ص ..
كم أحب ساعات الصباح .. وأعشق هدوءها ..
حينئذ بدأت بمراجعة أحلامي التي قلّما تخلو منها ساعات نومي .. وعادة ً ؛ أبدأ من آخرها حتى أضيع في ذاكرتي .. فـ أخذت أضحك ساخرة ً من نفسي .. [ تخيلوا معي .. فتاة مستلقية على سريرها .. وللتو استيقظت من رقدتها .. وتضحك بـ ملئ فيها .. ]
على ماذا ؟!
تذكرت آخر مارأيته في رقادي .. عجيب .. لا أعلم أكان تصميماً .. أم خلفية ً لـ سطح مكتبي .. أم ماذا كان !!
المهم أني سارعت إلى محمولي .. فتحته سريعاً .. سجلت دخولي في الـ MSN لا شعورياً .. وتهافتت علي المحادثات .. لكني لم أعرها اهتمامٌ يذكر .. فـ ليعذروني على ذلك .. سارعت إلى الفوتوشوب .. خوفاً من أن تضيع فكرة أحلام الغفله / خخخ
* وبدأت بـ تجسيد ما حلمت به *
أقسم بالله أن الإدمان بلغ مني مبلغه ..
ضحكت كثيراً على نفسي .. وأنا أهز رأسي ساخرة ً ؛ حين قمت بـ تصميم ما حلمت به .. لكني سعدت ُ بأني استطعت استنساخه من ذاكرتي إلى فوتوشوبي لـ يكون حقيقة لا حلماً فقط ..
لا أعلم حتى الساعه ما قصة ما رأيت .. فلا أتذكر سوى أني رأيت خلفية [ كما في التصميم ] لكن ما أتذكرهـ ؛ هو أني حلمت حلماً جميلاً جداً قبله - ولا صلة للحلم بالخلفية التي رأيتها قبل الاستيقاظ -
ربما هذا ما دفعني لأن أقوم بصنع خلفيتي المتواضعه .. فأنا سأحاول تحقيق أحلامي مااستطعت ؛ أملا ً بأن يحقق لي ربي ما كان من أحداث ٍ جميلة استمتعت بها ..
أطلت .. أعلم ..
قد لا تجدون مبرراً لإسهابي في التقديم .. لكن هذهـ عادتي .. أحب سرد كل شيء حتى يفهمني المتلقي كما يجب .. وكما أحب ..
+[ التصميم ]+ هو بسيط جداً .. ولم أعمل عليه بـ حرفنة ولم استخدم خبراتي فيه .. فقط جسدت ما رأيته .. لا أكثر و لا أقل ..
ورابط ثالث لـ عيون عبورتي :$ / :p * الحجم [ 1280 × 800 ] كـ مقاس شاشتي بالضبط ..
: :
لو لم تكن آرائكم تهمني ؛ لاحتفظت بأعمالي لـ نفسي .. فـ لا تحرموني إياكم ..
* حرر في : الأحد : 27/7/2008 م ..
24/7/1429 هـ ..
*
July 25 +[ خلني قربك أطير ]+؛، ،؛ ؛، .. مو كثير !.. أبقى طير ٍ في سما قلبك .. صغير .. والله .. والله مو كثير .. خلني قربك أطير .. وأروي قلبي من سحايب مالها عندي نظير .. وأقرب أكثر .. أكثر .. أكثر .. وفي عيونك بـ استخير .. مو كثير
.. لما ترميني بـ دربك .. وأهتني بـ حبك .. و .. قربك
.. وتبقى وحدك لي .. أمير
؛، ،؛ ؛، ؛، الـ س ـلامـ عليكمـ ورحمة الله وبركاتهـ ،؛ .. تصميم لا يشبهني .. أخذ من وقتي قرابة الـ 3 ساعات +[ المواد المستخدمهـ ]+ .. خامه واحدهـ -
.. فرشه واحدهـ -
.. [ Blur ] فلتر واحد - و
: 4 صور -
 ؛، ،؛ ؛، +[ التصميم ]+  ؛، ،؛ ؛، .. والله إنه مو كثير .. إني أبقى لك بـ قلبك .. طيرك اللي ما يحبك .. بس !.. يعشقك .. و .. يغير
: .. مو كثير .. أبقى طير ٍ في سما قلبك .. وأصير .. حبك ..
.. و .. .. همك ..
!.. ولك آآآآآخر مصير ؛، ،؛ ؛، !كثير ؟ ؛، ،؛ ؛،  .. فقط لا غير joOoD كل حرف هنا لـ * June 07 وش الجديد بـ 2008 ؟؛، الـ س ـلامـ عليكمـ ورحمة الله وبركاتهـ ،؛
يااااااااااااااااا الله .. زمــــــــــــــــان عن سبيسي
زمان عن كل ابو السبيسات
 والله يا إني سافههـ الدنيا بعد أتذكر أول مافتحت السبيس كنت أقول راح أدخله كل يوم
وراح أضيف بلوق كل ماطفشت .. أو مالقيت شيئ يوسع صدري
وراح أكتب فيه كل شئ عني ولي وكل أبو شيئ
وكلها سنه .. وأنا سافهته خخخخخخخ
والحصيلهـ 4 مدري 5 بلوقات فقط لا غير / خخخخخخ
لا تحسبون إن هذا معناهـ إني ماطفشت .. وإلا لاقية لي شيئ يوسع صدري
بس الفراغ لازاد عن حدهـ يصير شغل
<~ لا ابو من علمك الحكمهـ ياشيخهـممممممممممممم
!وش الجديد في 2008 ؟
للمعلوميهـ الحين حنا في شهر 6 .. يعني بـ منتصف 2008 .. وأنا للحين أفكر وش الجديد /خخخخ
أنووووووواع الدجهـ ~> تصدقون .. يمكن لآنه مافيهـ جديد !! مافيهـ شيئ يتغير كل شيئ على حالهـ .. وكلهـ روتين
وإن اختلفت المسميات
مازلت عاطلهـ -مازلت أعاني من الفراغ / وشكلي بأنحرف خخخخخ -
بس منب واصلهـ الفيس بوك إن شاء الله هع
أخذت دورة إدخال بيانات في معهد رغم إني مب بحاجتها / بس على بالي إنها -
!.. بتأهلني لـ وظيفهـ / بس هذا وجهي كاني تحركت
.. [ ومازلت [ بلا طموح -
بالله اللي عندهـ طموح بزيادهـ يسلفني خخخخ
بشرط يكون هذا الطموح خاضع للأنظمهـ والعادات والتقاليد السعوديهـ:
ذاك اليومـ كنت أقرى مقال عن التعليمـ في المملكهـ .. وإنهم رسموا خطهـ سريعهـ للقضاء على الأميهـ ، وقدروا يحققونها بوقت قياسي
أنا وقتها بصراحهـ مدري أضحك .. وإلا أبكي !أوكي الله يجزاهمـ خير قضوا على الأميهـ .. بس وش الفايدهـ مادام العطالهـ صارت أضعاف ؟
علموا الكل .. وجلسوا بدون وظايف
نصهمـ انحرفوا .. والنص الثاني يروح ويجي ماخلى دولهـ مادرس فيها وتغرب عن أهلهـ وديرتهـ عشان هالوظيفهـ
!طيب وبعدين ؟
!المجتمع ما زال مكتفي .. ليهـ ؟
لآن المخرج عاوز كدهـ لا واللي يزيدني غبنهـ .. ديوان الخدمهـ المدنيهـ
وربي
كل ما قالوا نازل وظايف .. أروح أشيك عليهـ
!وألاقيهـ [ لا يمكن العثور على الملقم ] .. طيب وبعدين ؟
!وشولهـ تتعبون أنفسكمـ من الأساس وتكذبون على الناس ؟
كلنا عارفين إنكمـ ماتبون توظفون أحد ،؛
فـ خلاص شيلوا إعلانات الوظايف من الموقع وريحوا أنفسكم
وريحونا معكمـ
!تلاحظون إني صرت أقول كلام كبير ؟ عشان كذا وش رايكمـ نرجع لسالفـة الجديد في 2008 باختصرها لكم .. وبلا كثرة حكي .. اللي يعرف جود بيعرف إنها ما زالت جود وماراح تتغير
بس يبي لي من يحنطني ويحطني بمتحف / خخخخخخخخ
ويكتبون عندي لوحهـ [ هذي نتيجة القضاء على الأميهـ ] هع ماتتوب ~> لا من جد خلونا نغير السالفهـ أحسن  عندي مجموعة دروس للسبيسات .. راح أحطها لكمـ وإن شاء الله تنفعكمـ يعني من باب لا خير في كاتمـ علمـ .. عندي حاجات كثيرهـ تعلمتها بهالسبيسات / سبق ونزلتها في منتدى حلمـ إنسان ،؛
!.. لكن هذا مايمنع إني أنزلها بـ سبيسي
!.. ودي أفيد غيري .. / عالاقل أصير عضو نافع في المجتمع لو شووووووي مادام هالمجتمع من الأساس مكتفي ومايبيني أنفعهـ
א---------א א---------א +[ Theme لـ تعديل ألوان الـ ]+ א---------א
+[ لـ تغيير رابط السبيس العشوائي ]+ א---------א +[ space توضيح مبسط لـ إعدادات الـ ]+ א---------א +[ الخاصهـ space شرح مفصل لـ خصائص وإعدادات الـ ]+ א---------א +[ تحديد أشخاص للسماح لهمـ بزيارة سبيسك ]+ א---------א +[ space إضافة ملف صوتي في الـ ]+ א---------א א---------א
اللي عندهـ مشكلهـ .. أو يبي درس معين يبلغني إما بـ رسايل السبيس .. أو من خدمة راسلني
 وإن شاء الله ماراح أقصر الدروس كثيرهـ .. عشان كذا كل كم يوم راح أدخل أضيف واحد
بهالبلوق
.. ربي يحييكمـ ويوفقكمـ .. {
} July 11 ؛، وهـ ،؛؛،
،؛
؛، ؛،
،؛
؛،  سلامـ !هذا سبيسيـ ؟ !متأكدينـ ؟ !طبـ ليهـ العالمـ مستلمينيـ فيـ الكومنتاتـ ضحكـ وتطنز ؟  .. هذا وهو سبيسيـ ياوعيـــــــــن!!
 وشـ ذا !! والله حطمتونيـ!!
كافيـ لما كتبتـ البلوقـ كانتـ الدنيا ضايقهـ فينيـ يعنيـ مو ناقصهـ أحد يضحكـ عليـ ويتشمتـ فينيـ !بعدينـ ماتدرونـ إنـ فيهـ احتمالـ ربيـ يبلاكمـ ؟؛،
،؛
؛،
 .. فيهـ ناسـ قالوا لي بنحطكـ بدال مدينة الملكـ عبد العزيز .. عشانـ تتقفلـ المواقع المشبوههـ .. مايحتاجـ يتكلفونـ ويحجبونـ مواقع .. كافيـ تسجلينـ دخولكـ عشانـ يفكنا ربيـ منـ شرهمـ ..
 بسـ أورررريهـ الليـ قالـ هالحكيـ ..
 الدور الحينـ عليهـ سجلتـ في منتداهـ وماباقيـ إلا يتقفلـ؛،
،؛
؛، .. مثلـ اختي اللي سجلتني في منتداها بيوزر : البقرهـ الأجوديهـ
.. على بالها الحين بتسوي تموووويهـ على اللعنهـ الأجوديهـ اللي تقفل المواقع
.. بس بدري عليها
؛،
،؛
؛، !! إلا على طاري البقرهـ الأجوديهـ
لاحظت كل من دخل سبيسي يسأل وشي ذي
7 7 7 7 ((
 ))!! ولاحظتـ إنـ الكلـ مستـ غ ـربـ شلونـ السبيسـ باسم جـ الوجود ـود والبروفايلـ : البقرهـ الأجوديهـ
 .. فأنا قلتـ لازمـ أكبـ لكمـ العشا وبالصور بعد عشانـ يصير كب ٍ موثقـ بالأدلهـ؛،
،؛
؛،
.. أولـ شئ بقولـ لكمـ إنـ اسمـ : البقرهـ الأجوديهـ ؛ هو اسمـ الدلع حقيـ.. امحق دلع ٍ تعرفينهـ > .. وقبلـ لا أقولـ لكمـ سالفة هالدلع بآخذكمـ بجولهـ في عالميـ عطوها جوها >
؛،
،؛
؛، : أول شئ هذي
؛، ميدالياتي ،؛
  ؛،
،؛
؛، ؛، شراباتي ،؛
 ؛،
،؛
؛،
؛، مفرشـ سريريـ ،؛
 نصابه تراها تغليفة هدايا >
؛،
،؛
؛، ؛، ساع ـتي ،؛  ؛،
،؛
؛، ؛، My Note ،؛
 ؛،
،؛
؛، ؛، شبـ ش ـبي ،؛
 ؛،
،؛
؛، : و حبيبة قلبي اللي ماأنام ولا أحس بالأمان إلا بحضنها برررررررررى > ؛، مـ خ ـدتي ،؛
 ؛،
،؛
؛، ؛، ثيـ م ـيـ ،؛
 ؛،
،؛
؛، مممممممممممممممم المميز بكلـ هالأشياء .. ((
الجدير بالذكر يعني )) إنـ هالأغراضـ هذيـ كلـــــــــــها ماأشتريتـ منها إلا الشبشبـ ؛ و ؛ الدفتر.. أما البقيهـ فهيـ هدايا
فرحانه إن أحد يهديها كذا / خخخخخخ >
؛،
،؛
؛، ؛، سبب التـ س ـميهـ ،؛
.. BeNt 3z ساااااااااالفة هالاسم الله يسلمكم .. بيني وبين صديقتي وبما إن بنت عز تشبهـ : بنت عنز .. مع الوقتـ وبعد ماجدعنا الكلافهـ بيننا ؛ صرتـ أناديها يالعنز حااااااافـ
.. وإذا صرتـ أبدلعها أقول لها عنزتي .. فما كانـ منها إلا وسمتني : بقرهـ .. لا تفهمونا غلط لو سمحتوا !! ترى حنا بسـ قصدنا نتناسبـ مع بعضـ ونصير عنز وبقرهـ .. وإلا مانسبـ بعضـ ولا نتهاوشـ بسم الله علينا
:
والدليلـ بـ لحظة العناق الحار هذيـ  ؛،
،؛
؛،
..
هــــــــــــــــذي كلـ السالفهـ .. وأي استفسار أنا حاضرهـ.. قولي : ق > ؛،
،؛
؛،
؛،
،؛
؛،
May 19 :( ياشـ ي ـن الـ ح ـظ النـ ح ـس ):
؛ ؛ الـ س ـلامـ عليكمـ ورحمة الله وبركاتهـ .. ياناس .. ياعالم .. ياهوووووهـ .. وش يسوي الواحد إذا صار حظه نحس فجأهـ وش ممكن يسوي بحياته ؟! وش لون يقنع نفسه إنه قضاء وقدر موب نحس
وقسم إني من الغلقه مدري أضحك .. وإلا أصيح .. أحس خشتي صايرهـ كإنها ذا :
كله من ذا المنتديات والله إني ماخبرت عمري متشائمه بحظي إلا يوم قفلت منتدياتي
؛ ؛
تخيلوا ؛؛
كل ماأسجل بمنتدى ؛؛ وأشارك فيه ؛؛ أو أدوش خلق الله فيه عشان نكون صادقين / خخخخخ ..
ليــــــــــــن أصير ولا عاد أطلع منه ..
؛
؛
تدرون وش يصير !!
يــتــقــفــل
وقسم بالله تعقدت ..
الأسبوع هذا عاد من جد قفلت معي يعني زيادهـ على إن منتدى دلوعه صار له قرن مقفل :
لا تغركم قريباً : ( .. ترى صار له 6 شهور ؛ مدري من مفهمهم كلمة قريباً غلط / خخخ ..
؛
؛
قبل أسبوعين تسكر قصيميات .. ورجع انفتح .. يوم انشقت خشتي وبديت انط نط فيه ..
؛
؛
رجع اتسكر
؛ ؛ وربــــــــــي طقني اكتئاب ياعالم وش أسوي
حتى هالأسبوع مستر أدوبي تقفل يومين ورجع الحمد لله ..
مرهـ من المرات يوم تقفل قصيميات كنت متقابله كالعادهـ أنا و هتووون المشاعر الصباح .. ][ تراها غير عن اللي بـ Friends list ][ وقفـــــــلت أخلاقنا وحنا متقابلين .. طفشنا .. بغينا نتهاوش ..
قلنا خل ندخل منتدى ونلعب بالألعاب لين نستانس ..
وجلسنا ندور منتديات مسجلين فيها كلنا .. << من العجز الزايد موب مسجلين نبي شئ جاهز بالمفضله ..
المهم دخلنا منتدى كلنا مشتركين فيه .. دورنا ساحة ألعاب
يسار
فوق تحت
مافيه أي أثر لأي لعبه يعني ويـــــــــــــن مانطقها عوجا يوم طالعت هتون في نهاية المنتدى ؛ إلا عندهم صندوق محادثات .. عــــــــاد تعالوا شوفوا الاستهبالات .. < مسوين مايعرفون بعض ..
< انقلب الكلام حجازي على بالنا نتكلم مثل الأعضاء .. < انقلب المود
تشوفون الفراغ كيف عامل عمايله فينا !! وربي أحس لو يشوفنا مدير منتدانا بيحرم يسكر المنتدى .. بس عشان يكسب أجر العالم اللي صجيناهم .. بالأخير طلعنا .. وقلت لهتون شكلنا بندخل بكرى نلقاهم حاذفين عضوياتنا ..
يوم جا من بكرى وقسسسسم بالله ماأكذب عليكم .. إني دخلت ولقيته مسكر ..
وربي انهبلت أنا !! قلت لا لا مو معقول .. وأقول لأختي أدخلي من عندك شوفي .. يمكنهم صاكيني بلوك ومسوين لي تحويل عقب الهبال اللي سويناهـ بصندوقهم .. يوم دخلت اختي لقته مسكر من جد .. بس أشوى ماطول بالليل انفتح .. < حاسه بالذنب ؛ ؛ عاد صديقاتي كلهم صايرين يقولون لي وخري عن منتدياتنا ..
صايرهـ كإني فايروس ..
وقسم مدري وش علتي من جد !! موب معقول العله في المنتديات .. مادام القاسم المشترك أنا .. << ترى ماتدبر بالرياضيات إذا غلط مشوها عشان النفسيه بس
وربي وحدهـ من البنات تقول لي : تعالي سجلي بمنتدانا .. ودي يتسكر وأنا مو قادرهـ أتركه قلت لها : لا الله يعافيك شغل نذاله ماعندي .. أساساً بس المنتديات اللي أحبها من قلبي تتسكر .. ومنتداهم عاد من أدخله تجيني غلقه حتى تسجيل ماقدرت أسجل فيه
؛
؛ وربي حـــــــظ نـــــــــحـــــــــــس بدرجة الدكتوراهـ ..
؛ ؛ December 28 • ◎ والله وكبرت وصرت أصمم وسائط • ◎ :
: .. مـ ج ـموعة وسائط من تصميمي .. أول مـ ج ـموعة أصممها بـ ن ـفسي
.. وإذا نالت إعـ ج ـابكم ؛ ماراح تكون الأخيرهـ بإذن الله
:
:
.. نـ ق ـول بـ س ـم الله
تم تشويت الوسائط إلى
.. ألبوم الصور ..
" لآنها " دبلتـ تسبدي.. أتمنى أن تتناسب مع رقي ّ ذائقتكم
:
:
December 13 بالخير.. بالخيـــــــــــــــــــــــــــر
.. أول شئ وقبل لا أبدأ بس بأقول لكم إن بالخير اختصار مساء الخير وصباح الخير
.. ولأن كل ٍ ووقته صارت بالخير تناسب الجميع
حقك يااختصار >>
.. الصراحه يعني الصراحه ماعندي شئ بتااااااااااااتاً البته
.. بس حبيت أسترجع ذاكرتي أشوف للحين أعرف أنزل بلوق جديد وإلا لا
طراها إن سبيسها مغبر >>
خخخخخخخخخخخخخخخخخخخخخخخ
.. عموماً
.. قريب إن شاء الله راح أطرح كم بلوق ومايميدكم على أطرح على فكرهـ ههههههههه لا جد ببالي أشياء ودي أحطها هنا بس العجز مآخذ كل وقتي
ودها تقول مآخذ كل وقتي ولا تدري وش لون >>
.. يلا عاد طولتها وأنا ماعندي سالفه .. وتشوفوني على خير إن شاء الله
قولي ق >>
August 20 ╣ㄨㄨيانــــــــــــاس أمـــي موسوسه ㄨㄨ╠ .. هلا بالكل والجميع
.. وياهلا والله وغلا
.. الإجازهـ خلصت عند ناس ، ومابقى فيها شئ عند باقي الناس
وفيه نــــــــــــــاس ماأحد قدهم .. ومستانسين آخر وناسه لأنهم انضموا إلى جماعة البطالة والعطالة بعد جهد جهيد ومعاناة استمرت مدري كم المهم إني
تخـــــــــرجــــــــــت وخلصت
: عاااااااااااد أقول لكم
.. تعرفون في الإجازات كيف النوم يتقلب في الشهر 20 ألف مره
.. وكيف إن الليل يصير نهار والنهار ليل والعصر فطور والغداء صباح .. < لا يكثر
..
 تصدقون بعض الأحيان ودي أقول لمؤذن مسجدنا يعلن اسم الصلاة قبل الآذان  .. لأني الصراحه أنلحس بعض الأيام ولا أدري وش حنا عليه بالضبط.. أنا يامحاكيتكم ، قصدي يامشخمطة لكم
 .. نومي أقرب ماله سوق الأسهم.. يوم أفتح اللمبه الخضراء وأنام وااااااااااااااجد.
، ويوم تأتش النفسية ، وينمد البوز ، وتخرب الأخلاق ، وينعفس الوضع
فنقلب عالأحمر على طول ولا ننام خير شر
وأنا هاليومين نفسيتي مو أخلاق أبداً
وصاير النوم مدري وش يبي .. أنام ساعه ، وأصحى الباقي وإذا نمت أعوذ بالله كأني مغصوبه كل شوي أنقز وأطالع الساعة أحسبني نمت كثير
 .. و أمس أهلي كانوا مآخذين شاليه في المرسى
بتعلمكم إن عندهم عضويه هناك >
وطبعا ً أمي الله يسلمها ويجزاها خير ويحفظها
ماتحاول تكفر ذنوب الحش اللي بيجي أبداً >
..
أمي إذا بتطلع لازم تطلع من العصر والحجة : عشان يسبحون البزران قبل الليلالمششششششكله واللي قاهرني وباط(ن) تسبدي إن مبزرتهم من ندخل الشالية لين نطلع وهم بالمسبح يعني لا ليل يفرق معهم ولا نهار
المهم يوم جا العصر أنا جاني النوم وإذا جاني النوم عاد خلاص
 لا أحد يكلمني ولا أحد يقرب مني .. أوقات ودي أكتب على جبهتي : إبتعد 100 متر .. منعاً للإحراج يعني.. قلت لأمي إنتم روحوا هالحين وحنا نجي المغرب
.. يوووووووووك نسيت أقول لكم إن أمي مستحيل تطلع وفيه وحده مننا يالبنات في البيت
.. وإذا اضطرت (( مكرهه )) عالطلعه بدوننا تقول لنا : لو يطق عليكم أبوي لا تفتحون له
الله مير يرحمك ياجدي من توفى ماسمعنا هالجملة >
الزززززززبده إني أمس أقنعتها تروح وهي ومبزرتها وتتركنا يالبنات (( 3 بنات وحده توها متزوجه بس زوجها في تبوك )) <
مابقى شئ أظن ماقلتيه قلت لها إنت ِ روحي وحنا نجي المغرب مسكينه أوخيتي مداومه اليوم ورايحه مواصله ومن هالكلام لين غزت بوزها معربة ً عن اقتناع ٍ على مضض
.. والله الأخبار مأثرت(ن) على لغتي بعد >
.. أنا رحت بأخمد وخواتي منذووووو مبطي خامدات وتاركين المهمة فوق راسي
.. ماأمداني غفيت ، إلا حسيت الباب انفتح
..شوي إلا أسمع صوت أحد يقرقع بالمفتاح
. أنا تروعت من ذا اللي طاب(ن) علي ويبي يستفرد فيني بعد
التفت بأشوف ، وبما إن الغرفة ((خرررررمس )) < يعني ظلماء ء ء ء ماشفت إلا طرف يد ممدودهـ من ورى الباب وكأنها كأنها كأنها يد أمي
شفتها تسحب المفتاح ، بعدين سكرت الباب ؛
 وسمعت بعدها طق طق < صوت تقفيل الباب ولاحظوا معي إنها قفلتيــــــــــن .. أنا نقزت من الفراش وعيوني طايره وطار النوم معها
< ياقهر ماصدقت يجي.. حاولت أفتح الباب إلا هو مقفل
.. وأجلس أهوجس !! ياربي وش السالفهأمي ؟! أخذت مفتاحي ؟! طيب ليه ؟! يؤ يؤ يؤ يؤ بعد قفلت علي ؟! ياربيـــــــــه
!طيب لو مثلا ً يعني مثلاً بروح ألبي نداء الطبيعة ؟
!!!!!! وش السوااااااااااااااااااااات
حاولت أفتح الباب ماقدرت ، وأفتح اللمبه أدور جوالي باتأكد هو فيه وإلا لا
، بأضمن إن فيه وسيلة إنقاذ وحده عالأقل ، لأن العادة أرميه بالصالة بأي مكان وابتلش أدوره شوي إلا لمحت مفتاحي مرمي على سجادة الصلاة .. وآخذه وخشتي تبي تتشقق من الوناسة .. وأجرب هو يفتح وإلا لا
!! < لا تشرهون وربي مانمت.. المهم طلعت أبستكشف الوضع مالقيت ولا أحد برى..
حاولت أفتح غرف خواتي إلا هي مقفله .. وقتها فكيــــــــــــــــــــــت ضحك .. وفهمت الوضع كله
  السالفة ومافيها إن أمي الله يسلمها موسوسة حبتين .. وتحسب إن الحرامي على قولتها ماهوب داخل إذا صارت هي موجودهـ.. وللعلم بعد .. إذا جت الساعة 9 بالليل ؛ الباب الخارجي لازم يتقفل حتى لو أبوي مابعد جا
عشان لا يدخل الحرامي ويتغبى بالبدروم وإذا نمنا يطلع فوقواللي حصل أمس إن أمي ماطاوعها قلبها تروح وتتركنا ، فقفلت على كل وحدهـ منا بالماستر كي وأخذت المفتاح معها
..
لأنها إذا طلعت يبي يجي الحرامي .. ولأن الحرامي يدري إننا نايمين بيدخل علينا وحدهـ وحدهـبيني وبينكم أنا من هالسالفة طار النوم عني ، وفتحت جهازي وجلست (( أنتنت )) لين حول المغرب
ويوم دخلت أخمد تذكرت الموقف وجلست أضحك عليها وقفلت على نفسي
.. عشان لا يدخل حرامي أمي
وقبل لا أعتق الكيبورد باقي أقول لكم إني ماصحيت إلا الساعة 11 ونص بالليل
.. ولا شفت لا مرسى ولا حرامي
.. وبـــــــــــــــــــــــــس
.. وبـــــــــــــــس
.. وبــــــــس
 ياحبــــــــي لتس بس ياأمي وش عقبه ؟؟ > August 18 ◊ ╣تصميـــــــم ـم ـم ×√× لا تسافر╠◊.. السلام عليكم ورحمة الله وبركاته
.. حياكم الله جميعاً
.. اليوم جلست أقلب في سبيسي وأحوس فيه لين جاني النووووووووم
.. وفجأه < مشكله اللي توهـ متعلم كلمة
.. حسيت فيكم
.. حسيت بمعاناتكم .. < تكفين لا عاد تحسين
.. حسيت إني منذوووووو مبطـ طـ طـ طـ ـــي مانزلت بلو(ق) جديد
.. وبما إن مخي فاضـــــــي ، ومافيني أشغله وأخنبق عليكم أبداًقلت ليش ماأنزل لهم شئ من تصاميمي .. وأشوف آرائهم فيه ؟؟
.. وفجأهـ < ياصبر الأرض
تذكرت تصميم صممته مرهـ (( غصب عن فرك خشمي )) .. تقولون ليــــــــــــه ؟؟
: أقولكم ليه
.. الله يسلمكم في واحد من المنتديات اللي أنا مشتركه فيه < ماراح أقول لكم أي منتدى اكتشفوا بأنفسكم .. المهم
 .. وهقوني بتصميم ولاااااااااااااااازم أصممه لا مفر
.. بقلبها للحين>
..
 عاد بعد ضيقة ، وغزة بووووووز ، و(( تكه )) دامت 3 أيام طلع التصميم .. والله لا يوريكم البلاوي والكوارث اللي حصلت في الفوتوشوب قبل لا أطلع فيه
: هذا التصميم
 : كلمات التصميم من قصيدة للمبدع
.:. فهد المساعد .:.
 .. وآرائكم و انتقاداتكم شئ طبيعي تهمني.. وياهــــــــ  ــــــــلا فيكمJune 25 .:. رحمك الله ياجــــــــدي .:... أسعد الله أوقاتكم أحبتي بكل خير
يوم الأثنين : 23 - 5 - 1427 هـ كان يوم لا ينسى في تاريخ حياتي .. بل وحياة كل من عرفه .. وعاشره .. وعاش ولو بضع لحظات معه
.. في صبيحة ذلك اليوم .. فاضت الروح لباريها .. في صبيحة ذاك اليوم ودعت أيامه لياليها
.. كان - رحمه الله - شيخاً كبيراً
.. كنت أحبه بقدر ماكنت أهابه وأحترمه
.. كنت أعشق رؤيته بقدر ماكنت أتألم لمنظره
ففي آخر شهرين من حياته .. كان على الفراش الأبيض .. يزور العناية المركزة حيناً .. ثم يخرج ليعود لها مرة أخرى
.. حينها
.. لم تكن القلوب قلوباً .. ولا العقول عقولاً
.. كانت ألسنتنا تلهج بالدعاء وطلب الرحمة
.. ومع يقيننا بأن الخيرة فيما اختاره الله .. بكينا
ليس اعتراضاً وإنما حزن الفراق .. وألم الوداع .. وهاهي دموع الأحباب .. تناثرت .. كما لم تتناثر من قبل ..
.. يومها
.. قلبي كتب مالم أكتبه
.. قلبي تكلم بعد صمت ٍ وسبات
.. إليكم أحبتي .. وأعتذر لكم عن إطالتي
 .. راحوا وباقي ريحهم يحتويني
.. راحوا وفي قلبي لهم قدر وغلاه .. راحوا وأحس بوحشة في كنيني
.. والموت حق ومايراعيني بعطاه .. ياقلبي هذا الموت لا تستهيني
.. أبكي وأنا بابكي لحزني بفرقاه .. يارب أنا ماني من العاشقيني
.. ولاني من اللي يطلب المال والجاه .. يارب جدي برحمتك مستكيني
.. ارحمه ياربي ويسّر له جزاه .. يارب ذا جدي وأعده ضنيني
.. ماأبيه يتعذب وأبي قبره نفاه .. يارب أغفر له خطايا السنيني
.. واجعل جنانك أرض روحه وسكناه .. أرجوك يامعبود ومن غيرك يعيني
.. أطلبك وحدك وماأعبد غيرك إله * قصيدة كتبتها تعبيراً عن مكنونات شجن الفؤاد *
.. بدأتها يوم وفاته - رحمه الله - واختتمتها آخر أيام عزائه .. وإن كان عزائه بقلبي لن ينتهي .. دمتم في حفظ الله ورعايته
.. أسأل الله أن لا يفقدنا غالي أو حبيب
June 09 ::حي الله من جانا::.. السلام عليكم ورحمة الله وبركاته
.. ياهلا ويامسهلا بالكل والجميع
.. حياكم الله في سبيسي اللي ماينور ولا يحلى إلا بوجودكم
.. إن شاء الله يعجبكم السبيس يالحبايب
والأهــــــــم
.. يفيدكم .. وتستفيدون منه
.. وهذا اللي أنا أتمناه
|
||||||
Send a private message
Subscribe to RSS feed
Tell a friend
Add to My MSN
Add to your network
Sign up for alerts
؟!
..
..
أحبه 
..
!!
|
|
